Boikott

Vi hadde måla veggar og tak, og fått inn tv og stol i stova

Vi mangle berre ein einskild sak: Ein kjekk og praktisk reol i kråa

Til nips og bøker og dvd: Ein fin og kvitlakka BBB

Ei meterhøg hylle, solid og traust, med hjørneløysing - den saka var klar

Men så kom problema då eg i haust, kontakta fleire forhandlarar

Dei selde hyller, men visste ikkje korleis - "kom heller tilbake ein annan dag!" (Hallo!?)

Ikkje ein, ikkje to, men heile tre: Dei nekta å selje meg BBB!

Den tredje var nokon som selde på nettet. Han eg snakka med, var ein triveleg kar

Som lova meg han skulle ordne dette, og sende meg pakke - den saka var klar

Så gløymde han av det, og eg måtte purre, og gjenta bestillinga to gongar til

Han var nok ein kar som pla å surre, sjølv om han elles var venleg og snill

Eg er ikkje sjølv i forretningsbransjen - det er mykje eg ikkje veit så vel

Men eg trur ein gjer lurt i å nytte sjansen, når nokon vil kjøpe ein vare ein sel!

Og eg trur det er lurt, når ein får ei bestilling, å ha eit system for å skrive det ned:

Namnet på kunden, og kva ho har tinga, og kor ein skal sende ein BBB!

 Moralen er denne, at i eit prosjekt, kan ymse hindringar dukke opp

Men no har vi hylla - og det er kjekt - alt handlar om det å ikkje gje opp!

I tillegg har eg litt moro av slikt, og har laga eit underhaldande dikt